नविल बैंकको २ करोड ३० लाख रुपैयाँ लुटपाट भएको छ । प्रहरीले भने घटना शंकास्पद भएको भन्दै अनुसन्धान थालेको छ ।

 श्रावण २९ - रामेछापको खिम्ती गाविसमा गए राति आएको बाढी पहिरोमा परी ७ जनाको ज्यान गएको छ । बाढीले वगाउादा एक बालक वेपत्ता छन् भने ७ जना घाईते भएका छन् ।
खिम्ती गाविस वडा नं २ मा स्थानीय कृष्णवहादुर पोखरेलको घर बाढीले भत्काउदा सो घरमा व्यवसाय गर्दै आएका रस्नालु गाविस वडानं १ का भिमवहादुर तामाङको परिवारका ३ जनाको मृत्यू भएको छ । प्रमुख जिल्ला अधिकारी गोपालप्रसाद पराजुलीका अनुसार ज्यान जानेमा भिमवहादुर तामाङ, उनकी पत्नी बाटुली तामाङ र सासु कान्छि तामाङ रहेका छन् । भिमवहादुरको १२ बर्षीय छोरा ढल्के तामाङ वेपत्ता छन् भने छोरीहरु मईमाया , हेमा र आईमाला घाईते भएका छन् । घाईतेलाई दोलखाको किर्नेस्थित धुलिखेल अस्पतालको उपचार केन्द्रमा भर्ना गरिएको छ ।
यसैगरी खिम्ती गाविस-४ कटुन्जेमा पहिरोले घर वगाउादा एकै परिवारका ३ जनाको ज्यान गएको प्रजिअ पराजुलीले वताएका छ । स्थानीय मीठ्ठु थापाको घर वगाउादा उनी, उनकी २२ वर्षीया छोरी स्वस्थानी र १३ बर्षीया छोरा केदारको मृत्यू भएको हो । यसैगरी बाढीले घर भत्कदा खिम्ती ३ मा १३ बर्षीया बालिका सिता सुनुवारको ज्यान गएको छ ।
घटनाको जानकारी पाउना साथ विहानै घटनास्थल तर्फ गएका सेना, प्रहरी र शसस्त्र प्रहरीको टोली खानीखोलाको बाढीका कारण समयमानै गन्तव्यमा पुग्न सकेन । सेना र प्रहरीले बास र डोरीको साहायताले फड्के वनाएर उद्धारका लागि घटनास्थल पुगेको स्थानीयले जनाएका छन् । घटनास्थल आसपासबाट मृतकहरुका ७ वटै शव संकलन गरिसकिएको र ति शवको पोष्टमार्टम गरिने प्रजिअ पराजुलीले बताए ।
राति करिव २ वजे तिर खिम्तीमा ठुलो बर्षा भएपछि स्थानीय खोला र खहरे उर्लिएका थिए । खिम्ती वजार नजिकको खहरेले वगाएको ल्याएका ढुंगा र रुख पुष्पलाल मार्गमा पर्ने मोटर पुलमा अड्केपछि ठुलो क्षति हुन पुगेको अनुमान स्थानीयले गरेका छन् । बाढीले उक्त पुल समेत वगाएको छ । मोटर पुल वगाएपछि मंगलवार विहानै देखि काठमाण्डौं रामेछापको यातायात सेवा ठप्प भएको छ ।
वाढीले खिम्तीका साना साना खोल्सामा पनि यस अघि कहिल्यै नदेखिएको भेल आउदा सर्वसाधारणको धनजनको विनाश गरेको छ । खहरेमा आएको वाढी पस्दा प्रहरी चौकी र आसपासको वस्ती जलमग्न छ भने वजार क्षेत्रमा केहि घर पसल डुवेका छन् । प्रजिअ पराजुलीका अनुसार खिम्तीमा गएराति बाढीले पुर्‍याएको क्षतिको पुर्ण विवरण आउन बाँकी छ ।

साफ यू–१६ च्याम्पियनसिपको उपाधी भारतले जितेको छ । फाईनलमा भारत नेपाल विरुद्ध १-० ले जित हात परेको हो ।   खेलको १८ औं मिनेटमा भारतीय खेलाडी  जेरीलालले गोल हानेका टिमलाई अग्रता दिलाएका थिए । नेपालले पटक-पटक प्रयास गरेपिन गोल फर्काउन सकेन ।

नेपाली खेलाडी दिवस सुवेदीको ठाउँमा किरण सुनार आएका छन् । दशरथ रंगशालामा दुवै टोलीका खेलाडी उपाधिका लागि भिडि्रहेका छन् । डिफेन्डिङ च्याम्पियन भारतसँगको प्राविधिकरुपमा सक्षम नेपाली टोलीको प्रतिस्पर्धा रोमाञ्चक हुने अपेक्षा गरिएको छ । सेमीफाइनलमा बंगलादेशलाई ५–१ को गोल अन्तरले हराएको नेपाली टोली पहिलो पटक फाइनलमा खेल्दैछ । प्रतियोगिताभर उत्कृष्ट प्रदर्शन गरेको नेपाली टोलीको मनोबल उच्च छ । नेपाली टोलीका प्रशिक्षक बालगोपाल महर्जनले उपाधि जितेर ईतिहास रच्ने दाबी गरेका छन् । 

सोल, श्रावण १२ - दक्षिण कोरिया सरकारले नेपालका लागि रोजगार अनुमति प्रणाली (ईपीएस) अन्तरगत चौथो भाषा परीक्षा सञ्चालन गर्ने भएको छ । नेपाल ईपीएस शाखा ग्वार्को ललितपुरले परीक्षा कार्यक्रम सार्वजनिक गर्दै उक्त कुरा जनाएको हो । एक दिनमा दुई सिफ्ट संचालन हुने उक्त परीक्षा असोज २० र २१ मा संचालन हुने र ८ हजार २ सय उमेरद्वारलाई उत्तीर्ण गर्ने जनाइएको छ  ।

औद्योगीक उत्पादन मुलक मुलक क्षेत्रमा ४ हजार ६ सय कृषि तथा पशुपालनमा ३ हजार ६ सय परीक्षार्थी उतीर्ण गराइने प्रकाशित सूचनामा उल्लेख छ । यो संख्या तेस्रो भाषा परीक्षाको तुलनामा झण्डै आधा कम हो भने मंगोलिया र अन्य मुलुकको तुलनामा दोब्बर बढी हो । नेपाली कामदारहरु इमान्दार र परिश्रमी भएकाले कोरियन रोजगारदाताको छनौटमा बढी पर्ने गरेका छन् । कोरियाले आन्तरिक श्रम बजार र सम्बन्धित देशका अवैधानिक कामदारको संख्या र अपराधिक गतिविधिका  आधारमा कोटा वितरण गर्दछ । अन्य मुलुकको दाजोमा अवैधानिक नेपालीको संख्या न्यून रहेको छ ।

सूचनामा जनाइए अनुसार परीक्षार्थीले आवेदन गर्दा पछि परिवर्तन नगर्ने गरी औद्योगीक उत्पादन,कृषि मध्ये आफूले जान चाहेको क्षेत्र छान्नुपर्ने छ । त्यस्तै आवेदक १८ देखि ३९ बर्ष उमेर समुहको हुनुपर्ने छ । अपराधिक गतिविधिमा संलग्न नभएको, विगतमा गणतन्त्र कोरियामा गइ गैह्र कानुनी रुपमा बसोबास नगरेको । आफ्नो देशबाट विदेश जान रोक नलगाइएको र दुई देशले निर्धारण गरेको मापदण्ड पुग्ने उमेरद्धारले परीक्षामा सहभागि हुन पाउने छन् । भाषा परीक्षामा उच्चत्तम अंक ल्याउने ३० प्रतिशत परीक्षार्थीले सीप परीक्षामा सहभागि हुन पाउने छन् ।

आवेदन काठमाण्डौमा तीन स्थान,धरान तथा बुटवलबाट भदौ ५ गते देखि ८ गते बिहान ९ देखि ६ बजेसम्म आवेदकले नै बुझाउनु पर्ने छ । आवेदन संगै राहदानीको फोटोकपि, हालसालै खिचेको ३.५८ ४.५ सेमीको २ प्रति फोटो र दस्तुर बुझाएको अर्ध्ाकट्टी संलग्न हुनु पर्नेछ । परीक्षा शुल्क अमेरिकी डलर चौविस -२४) लाग्नेछ । आवेदकले जुन दिनमा दर्ता फाराम बुझाउने हो सो को अघिल्लो दिनका लागि केन्द्रीय बैंकले तोकेको विनिमय दरका हिसाबबाट हुन आउने नेपाली रुपैयाको हिसाब कार्यालयले तोकेको बैंकमा बुझाउनु पर्ने छ । विशेष कारणबश आवेदन फाराम रद्द गर्न चाहनेहरुले दर्ता अवधिभित्र रद्द गर्न सक्नेछन् । रकम बुझाएको भौचर सहित उपस्थित भए रकम फिर्ता दिइन पनि सूचनामा उल्लेख छ ।

परीक्षा ७० मिनेटको हुन्ोछ । पढाई तर्फ १०० पूणर्ांकमा २५ प्रश्नहरुका  लागि ४० मिनेट र सुनाई तर्फ १०० पूणर्ांकमा २५ प्रश्नका लागि ३० मिनेट छुट्याइएको छ । परीक्षार्थीले उत्तर दिंदा कालो वलपेन प्रयोग गर्नुपर्ने छ । अन्य रंगको मसी वा पेन्सील प्रयोग गरे रद्ध हुने पनि जनाइएको छ । परीक्षा स्थल र समय असोज ९ गते प्रकाशन गरिने पनि जनाइएको छ भने परीक्षफल कात्तिक ४ गते प्रकाशित गरिने जनाइएको छ । 'कोरियन भाषा परीक्षा उत्तीर्ण गर्नु कोरियामा रोजगारीकोआवेदन दिन योग्य हुनु हो तर कोरियामा रोजगारी पाइने ग्यारेण्टी भने होईन ।' सूचानामा उल्लेख छ ।

परीक्षा स्थलमा मोबाइल फोन,क्यासेट प्लेयर,एमपी थ्री प्लेयर,इलेक्ट्रोनिक डिक्सनेरी ,पीडीए र अन्य इलेक्ट्रोनीक डिभाइसहरु प्रयोग गर्न नपाइने जनाइएको छ । परीक्षा अवधिमा यस्ता सामानहरुको प्रयोग गरेको पाइएमा त्यस्ता परीक्षार्थीलाई २ बर्षसम्म ईपीएस परीक्षामा अयोग्य हुने गरी कार्वाहि गरिने पनि जनाइएको छ ।

सन् २००७ को जुलाई २३ मा नेपाल र कोरियाविच श्रम मन्त्रीस्तरीय सम्झौता भए यता तीन पटक भाषा परीक्षा संचालन भइसकेको छ । हालसम्म १८ हजार भन्दा बढी नेपाली युवाले रोजगारी पाइसकेका छन् । कोरियामा निजी क्षेत्रबाट कामदार पठाउने ब्यबस्था छैन । ईपीएस सम्बन्धी सबै काम नेपाल र कोरिया सरकारबाट हुने भएकाले कम लागतमा कोरिया पर्न गएको हो । यहा आएका नेपाली कमदारले मासिक न्यूनत्तम ९० हजार रुपैया कमाउन सक्छन् ।

पोखरा, श्रावण ११ - उपहार दिने भन्दै आँखा बन्द गर्न लगाएर एक युवतीले युवकको टाउकोमा खुकुरी प्रहार गरी घाईते बनाएर आत्महत्या गरेकी छिन ।
मोबाईलको कुराकानीपछि ड्यामसाईडको एक गेष्ट हाउसमा भेटघाट गर्न पुगेकी तनहुँ दुलेगौंडाकी १९ बर्षीया रुपा मगरले स्याङजाका २० बर्षीय त्रिलोचन शर्मालाई खुकुरी प्रहार गरी आत्महत्या गरेकी प्रहरीले जनाएको छ
प्रहरीका अनुसार दुवैजना बिहीबार दिउँसो अशोक गेष्ट हाउसमा पुगेर चिसो मगाएर खाएका थिए । त्यसपछि गेष्ट हाउसमा कोठा लिएर भित्र पसेको १०/१२ मिनेटपछि युवक शर्माले मलाई खुकुरीले हानी साहुजी तपाईलाई पनि हान्न सक्छे भन्दै बाहिर निस्किएका थिए । संचालकले तत्कालै प्रहरीलाई खबर गरी घाईते शर्मालाई अस्पताल पठाउने चाँजो मिलाएका थिए ।
लगत्तै पुगेको प्रहरी उनीहरु बसेको कोठामा जाँदा भित्रबाट चुकुल लगाएको भेटिएपछि झ्यालबाट हेर्दा युवती सिलिङ पंखामा सलको पासो लगाएर झुण्डिएको अवस्थामा भेटिएकी प्रहरी नायव उपरीक्षक सन्तोष खड्काले बताए । 'ढोका फोडेर हेर्दा युवतीको मृत्यु भैसकेको थियो', खड्काले भने ।
घाईते शर्माको मनिपाल शिक्षण अस्पतालमा उपचार भइरहेको छ । प्रहरी श्रोतका अनुसार घाईते शर्माले प्रारम्भिक बयानमा युवतीलाई बिहीबारमात्रै चिनेको र यसअघि कहिल्यै भे

साउने संक्रान्तिको दिन। राती करबि साढे १० बजे। काठमाडौँको ठमेलस्थित कर्मचारी सञ्चयकोष भवनअगाडिको सडकमा युवतीको भेषमा पुतलीजस्तै सिँगारिएको समूह बटुवाहरूसँग उत्तेजक हाउभाउ देखाइरहेको थियो। कुनै पुरुष नजिक देख्नासाथ कहिले आँखा झिम्क्याइदिन्थ्यो त कहिले मुसुक्क हाँसेर हातले इसारा गर्न भ्याउँथ्यो।
सुलुत्त परेको अग्लो ज्यानकी एक युवती कोही पुरुष आफ्नो छेउमा आउनासाथै कम्मर मर्काएर नाच्दै नजिकिन खोज्थिन्। घरीघरी प्रहरीको गस्ती भ्यान हुइँकिँदा यो समूह त्यहीँ कतै बिलाउँथ्यो र छिनमै उस्तै दृश्य दोहोरिन्थ्यो। प्रहरी र त्यो समूहको लुकामारी चल्थ्यो। ग्राहक पट्याउन सफल हुनेहरू यस्तो तामझाममा नभुली ट्याक्सीमा बसेर कतै बतासिन्थे।
गार्डेन अफ डि्रम -स्वप्न बगैँचा)नजिकैको सडक क्षेत्र हरेक रात यसै गरी रंगीला बन्छ। राती १० बजेपछि ग्राहक खोज्दै सडकमा तेस्रो लिंगी यौनकर्मीहरू छपक्कै हुन्छन् यहाँ। केशरमहलस्थित शिक्षा मन्त्रालयको पुरानो भवनदेखि कर्मचारी सञ्चयकोष भवनसम्मको सडक किनारामा उनीहरू खुलमखुला मोलमोलाइ गररिहेका भेटिन्छन्।
२ साउनको सवा १० बजेतिर चितवनकी किरण विक, २२, स्वप्न बगैँचाअगाडि रेलिङ्मा अडेस लागेर आवतजावत गर्नेहरूप्रति चनाखो आँखा लगाएर उभिरहेकी थिइन्। छिनमै एक जना टिनेजरले किरणसँग साउती मारे। सम्भवतः कुरा मिलेन र उनी फनक्क अर्कोतिर फर्किन्। भन्छिन्, "यस्ता केटाहरू धेरैजसो जिस्क्याउन मात्रै आउँछन्, नजिक परेर कस्ता होलान् भनेर छुन खोज्छन्। अनि, जान्छन्।"
शारीरकि बनावट पुरुषको भए पनि हाउभाउ, स्वभाव र भावना महिलाको हुने यी तेस्रो लिंगीहरू गुजाराका लागि मध्यरातमा सडकमा ओर्लिएको दाबी गर्छन्। राती सडकमा जति भड्किलो हाउभाउका साथ देखिन्छन्, वास्तविक जीवनमा उनीहरूको पीडा उत्तिकै सघन हुन्छ। घरपरविार, समाजले हेयको भावले हेर्ने हुँदा अधिकांश तेस्रो लिंगीहरू कसैले नचिन्ने सहरतिर पाइला चाल्छन्।
किरणकै कुरा गरौँ। बाबुआमाले आफ्नो सन्तान नै होइन भन्न थालेपछि किरण घर छाडेर ०६१ सालमा सोझै कसैले नचिन्ने ठाउँ काठमाडौँ पसिन्। केटाकै 'लुक्स'मा उनले थापाथलीको एउटा चिनियाँ रेस्टुराँमा काम पाइन्। तर, आनीबानीका कारण बिस्तारै सहकर्मी र साहूले तेस्रो लिंगी भएको पत्तो पाए। भन्छिन्, "हाम्रो स्वभाव मान्छेहरूले चाँडै थाहा पाइहाल्छन्। लुकाउनै सकिँदैन। म यस्तो भएको थाहा पाएपछि सबैले छक्का, हिजडा भनेर जिस्क्याउन थाले। मेरो चित्त दुख्थ्यो। त्यसपछि काम छाडेर हिँडे।" त्यसपछिका दिन किरणले यौनकर्मीकै रूपमा बिताइरहेकी छन्।
नीलहीरा समाजका अनुसार नेपालमा समलिंगीको संख्या करबि चार लाख छ। जसमध्ये दुई प्रतिशत तेस्रो लिंगी छन्। यस हिसाबमा तेस्रो लिंगीको संख्या आठ हजार हुन्छ। जसमध्ये अधिकांश 'मेल टु फिमेल' (शारीरकि रूपमा पुरुष तर भावनात्मक रूपमा महिला) तेस्रो लिंगीहरू यौनकर्मी बनेका छन्। 'फिमेल टु मेल' (महिला पुरुष भएर हिँड्ने) तेस्रो लिंगीहरू भने यौन व्यवसायमा देखिँदैनन्।

उपत्यकामा मात्रै तेस्रो लिंगी यौनकर्मीको संख्या तीन सयको हाराहारी रहेको नीलहीराकी मानव अधिकार क्षेत्र हेर्ने भूमिका श्रेष्ठको भनाइ छ। यसबाहेक उपत्यकाबाहिरका सहरहरू धरान, इटहरी, नारायणघाट र पोखरामा उनीहरू यस्तो कार्यमा लागेका छन्।

काठमाडौँको ठमेल क्षेत्रमा मात्रै करबि ६० जना तेस्रो लिंगी यौन व्यवसायी ग्राहकको खोजीमा नियमित धाउने गर्छन्। राती १० बजेदेखि ठमेलमा देखा पर्ने उनीहरू मध्यरातको १२ बजेसम्म ग्राहक फकाउन व्यस्त हुन्छन्। बुटवलकी रञ्जु थापा, २७, भन्छिन्, "कहिलेकाहीँ त बिहान ३ बजेसम्म पनि बस्छौँ। ग्राहक कति चाँडो भेटिन्छ, त्यसमा भर पर्छ।"

केही वर्षअघिसम्म तेस्रो लिंगी यौनकर्मी काठमाडौँका ठमेल र रत्नपार्कमा मात्रै खुम्चिएका थिए। तर, संख्या बढेसँगै उनीहरू अहिले राजधानीका विभिन्न क्षेत्रमा फैलिएका छन्। प्रहरीका अनुसार ठमेल, नयाँबजार, जमल, लैनचौर, रत्नपार्क, वीर अस्पताल, खुलामञ्च, चाबहिल, नयाँ र पुरानो बसपार्क उनीहरूका ग्राहक खोज्ने स्थान हुन्। त्यसमध्ये चाबहिल, नयाँबजार, नयाँ बसपार्क तेस्रो लिंगी यौन व्यवसायीहरूका नयाँ अखडा हुन्।

ठमेलबाहेकका क्षेत्रमा तेस्रो लिंगी यौनकर्मीहरू साँझ पर्नासाथ निस्कन्छन् र १० बज्दा नबज्दै फर्किसक्छन्। अन्यत्र रात्रि जीवन नभएकाले पनि उनीहरू अबेरसम्म बस्दैनन्। धेरै तेस्रो लिंगी यौनकर्मी लाजिम्पाट क्षेत्रमा बस्छन्। तेस्रो लिंगीको अधिकारसम्बन्धी काम गर्ने संस्था लाजिम्पाटमै भएकाले पनि त्यहाँ उनीहरूको उपस्थिति अन्यत्रभन्दा बाक्लो छ।

भानुभक्त मेमोरयिल विद्यालयअगाडिसम्म फराकिलो रहेको बाटो त्यहाँबाट साँघुरन्िछ। इँटा बिछ्याइएको साँघुरो गल्लीभित्रको एउटा घरमा भाडामा बस्छिन्, रञ्जु थापा। टीभी दराजको आडैमा रहेको टेबुलमा शृंगारका सामान सजाइएका छन्। खाटको गोडातिर कुर्सी राखिएको छ।

रञ्जुले ग्राहक यहीँ ल्याउँछिन्। भन्छिन्, "पहिले-पहिले गेस्ट हाउसतिर जान्थ्यौँ। अचेल सबै साथीहरू आ-आफ्नै कोठामा ल्याउँछौँ।" कसैको डर नहुने हुँदा कोठा दुवै पक्षका लागि सुरक्षित हुने उनीहरूको भनाइ छ। पाँच वर्षदेखि यही पेसाबाट गुजारा चलाइरहेकी धरानकी पूजा राई, २८, भन्छिन्, "बाहिरभन्दा आफ्नै कोठामा सुरक्षित भइन्छ। ग्राहकलाई समेत कोठामा आउँदा गेस्ट हाउस वा होटलभन्दा सस्तो पर्छ।"

गेस्ट हाउसमा प्रहरीले छापा मार्ने हुँदा कोठा सुरक्षित पनि छ, उनीहरूका लागि। सडक त उनीहरूको ग्राहक खोज्ने संगमस्थल मात्रै हो। यस्ता यौन व्यवसायीको रेट त हुँदैन। तर, यो समुदायबीच पाँच सय रुपियाँभन्दा तल झर्नुहुँदैन भन्ने भद्र सहमति बनेको पूजा बताउँछिन्। भन्छिन्, "त्यसभन्दा माथि जसले जति डिल गर्न सक्छ, उति हुन्छ। कतिपय मनकारी ग्राहक पीडा सुनेर मोलमोलाइ गरेभन्दा बढी पैसा दिनसमेत राजी हुन्छन्।" आफूले रात बिताएको ग्राहकसँग तीन हजार रुपियाँसम्म लिएको पूजा खुलाउँछिन्।

मुख्यतः मुख मैथुन (ओरल सेक्स)मा रुचि राख्नेहरू र श्रीमतीबाट यौन सम्पर्कमा असन्तुष्टहरू उनीहरूका मुख्य ग्राहक हुन्। आएका ग्राहकमध्ये अधिकांश विवाहित पुरुष हुन्छन्। "ओरल सेक्स मन पराउने तर श्रीमतीबाट त्यो इच्छा पूरा नहुने संख्या सहरमा धेरै ठूलो छ," तेस्रो लिंगीको 'गेट अप'मा टेलिभिजन कार्यक्रम 'उज्जु डार्लिङ्' सञ्चालन गर्ने हास्य कलाकार उज्ज्वल भण्डारी भन्छन्, "त्यस्तो कुण्ठा पाल्नेहरू नै उनीहरूका प्रमुख ग्राहक हुन्। मान्छेको नेचर नै त्यस्तै छ भने के गर्नु ?"

पूजाका अनुसार समाजमा स्थापित व्यक्तिहरू नै उनीहरूका मुख्य ग्राहक हुन्, जसलाई उनीहरू साथी भन्न रुचाउँछन् र नियमित सम्पर्कमा रहन्छन्। यस्ता ग्राहकको संख्या आधा दर्जन रहेको पूजाले बताइन्। अझ रञ्जुको त यस्ता साथी एक दर्जन रहेछन्। भन्छिन्, "उनीहरू आफैँ सम्पर्क

गरेर आउँछन्।"

नेपालले भेटेका एक दर्जन तेस्रो लिंगी यौनकर्मीमध्ये अधिकांशले नियमित ग्राहक बनाएको खुलाए। कतिपयको यस्ता ग्राहकसँगै 'लभ अफेयर'समेत चलेको छ। जस्तो ः सरकारी सेवामा कार्यरत कर्मचारीसँग रञ्जुको अफेयर चल्यो। उनीहरू चार वर्ष सँगै बसेछन्। केटालाई घरबाट विवाह गर्ने दबाब आएपछि उनीहरू सँगै बस्न सकेनन्। भन्छिन्, "अहिले फोनमा कुराकानी हुन्छ। त्यसबाहेक

सम्बन्ध छैन। "

विराटनगरकी आकांक्षा तिम्सिना, २१, छिमेकी र साथीहरूले हिजडा, छक्का भनेर जिस्क्याउन थालेपछि घर छाडेर भारतको आरा पुगिन्। व्यवस्थापनमा १२ कक्षा उत्तीर्ण उनले त्यहाँ अर्केस्ट्रामा काम गरनि्। तर, हिँडडुल गर्न नेपालमा भन्दा गाह्रो भएपछि उनी ६ महिनामै पुनः स्वदेश फर्किन्। कहीँ काम नपाएपछि उनी एक महिनाअघि काठमाडौँ छिरेर यौन व्यवसायमा लागेकी छन्। आएको २० दिनमै उनी प्रहरीको फन्दामा समेत परनि्। प्रहरीले सार्वजनिक स्थलमा होहल्ला गरेको भन्दै उनीहरूलाई पक्राउ गरेर रातभर िहिरासतमा राखेछ र भोलिपल्ट छाडिदिएछ।

"देह व्यापारलाई कानुनले बन्देज लगाएको छ। उनीहरूसँग विकल्प छैन भनेर जान्दाजान्दै हामीले नियन्त्रणमा लिनुपर्छ," महानगरीय प्रहरी परसिर काठमाडौँका प्रहरी वरिष्ठ उपरीक्षक

(एसएसपी) सुबोध घिमिरे भन्छन्। प्रहरी प्रभाग सोह्रखुट्टेका प्रहरी निरीक्षक कवित कटवाल तेस्रो लिंगीहरूको समस्या समाधानका लागि राज्यले सोच्नैपर्ने बताउँछन्। भन्छन्, "पक्रने र छाड्ने मात्रै हो कि दिगो समाधान निकाल्ने भन्ने सोच्नुपर्ने भएको छ।"

पकरबास ९ रामेछाप मा निर्माण हुन गईरहेको (सेर टाशी छोलिङ् गोन्पा ) को लागि हाल अमेरिकामा बस्नु हुने रामेछाप गेलु ६ काउलेका श्री लोक मान घिसिङ् ज्युको तर्फबाट  आर्थिक सहयोग  वापत रु.२५,५,५५ पचिस हजार पाचसय पचपन्न ) स- धन्यवाद प्राप्त भयो समृदि,शान्ति ,कल्याण ,र उद्दारका लागि वहाँले पु-य्ाउनु भएको कुशल कर्मको कारणले उहाँहरुको को चित्तमा बुद्धचित्ता उत्पादन होस् भनि म लगायत गोन्पा परिवार प्रणिधान गर्दछौं,धन्यबाद !


 यदि हजुरहरुले सहयोग गर्न इच्छुक हुनुहुन्छ भने हामी तपाईहरु प्रति आभारी छौ ,,, (सेर टाशी छ्ोलिङ गोन्पा परिवार,,,... सम्पर्क नेपालमा ,,ध्यान बहादुर मोक्तान ,राम बहादुर मोक्तान,चण्डिका लला tतामाङ,किरण 
 मोक्तान यदि तपाईं हरु पनि सहयोग गर्नुहुन्छ भने तलको  ठेगानामा सम्पर्क गर्नुहोला                                          
                                                 

                                                                                      साउदी अरब मा राज घिसिङ ०५३६१७०९६२

मन्थली- हाम्रो रामेछाप डवली जिल्ला शिक्षा कार्यालय रामेछापले जिल्लाका १३ वटा विद्यालय बन्द गर्ने निर्णय गरेको छ। कार्यालयले जिल्लास्थित शिक्षकका पेसागत सङ्घ सङ्गठनसँगको सहमतिका आधारमा कम विद्यार्थी र बढी शिक्षक भएका विद्यालयहरु छनोट गरी विद्यालय बन्द गर्ने निर्णय गरेको हो। तीन दिनसम्म बसेको पेसागत सङ्गठन र शिक्षा कार्यालयका प्रतिनिधिको संयुक्त बैठकले विद्यालयको अनुगमनका क्रममा विद्यार्थी सङ्ख्या १० जनाभन्दा काम भेटिएका र भौगोलिक आधारमा टाढा नभएका १३ वटा विद्यालय बन्द गर्ने निर्णय गरेको कार्यालयका उपसचिव हेमन्त बुढाथोकीले बताए।
यसरी बन्द हुने विद्यालयमा सबै प्राथमिक विद्यालय रहेको र ती विद्यालयमा कार्यरत शिक्षकलाई अन्य नजिकैको पायक पर्ने विद्यालयमा समायोजन गरिएको छ। बन्द गर्ने निर्णय भएका विद्यालयमा अध्ययनरत विद्यार्थीलाई भने नजिकैको विद्यालयमा पढ्न जाने व्यवस्था मिलाइएको पनि बुढाथोकीले जानकारी दिए।
बन्द गर्ने निर्णय भएका विद्यालयमा भीमेश्वर प्रावि रैकाडाँडा सुकाजोर, सरस्वती प्रावि थुम्का सुकाजोर, बुढामहादेवस्थान प्रावि सालु, भुमेस्थान प्रावि कुवापानी माकादुम, तावे छेलिङ गुम्बा प्रावि रस्नालु, नैसा प्रावि फर्पु, ढुङ्गेश्वर प्रावि कुँडहर मन्थली, सिद्धेश्वर जनता प्रावि सुनारपानी भ्यागुरे, हलेश्वरी ओम प्रावि डडुवा, चण्डेश्वरी प्रावि ठिङ्ग्रे रामपुर, बालकल्याण प्रावि मुगीखोला भटौली, इन्द्रावती प्रावि शिखर कटेरी कठजोर र अरुणोदय प्रावि धोवीखोला दोरम्बा रहेका छन्।
तेर्हि प्राथमिक विद्यालय बन्द गर्नुका साथै २३ वटा प्राथमिक विद्यालयको कक्षा १–५ लाई घटाएर १–३ कायम गरिएको छ । दश वटा विद्यालयमा कक्षा १ देखि ३ सम्म एकै शिक्षकले पढाउने गरी बहुकक्षा प्रणालीको व्यवस्था गर्ने पनि बैठकले निर्णय गरेको छ।
निर्णय कार्यान्वयनका लागि भने केही समय लाग्न सक्ने पनि बुढाथोकीले बताए । -

रामेछाप, साउन ३ - छिमेकीको अन्तिम संस्कारमा मलामी गएका रामेछापको माकादुम गाविसका ११ जनालाई प्रहरीले पक्राउ गरेको छ ।असार ५ गते भीरबाट खसेर ज्यान गुमाएकी माकादुम ९ की सपना खत्रीको पोष्टमार्टम नगरी दाहसस्कार गरेपछि ११ जना मलामी प्रहरी हिरासतमा परेका हुन् ।
गर्भवती समेत रहेकी सपनाको असार ५ गते विहान घाँस काट्न जाँदा भिरवाट लडेर ज्यान गएको थियो।
सपनाका वावु लोकवहादुर वोहराले आफनी छोरीको मृत्यु स्वाभाविक नभएको भन्दै जिल्ला प्रहरी कार्यालय रामेछापमा किटानी जाहेरी दिएपछि प्रहरीले पक्राउ गरेका सपनाका ससुराले ११ जना मलामी पनि साथै रहेको बयान दिएपछि प्रहरीले छिमेकीलाई पनि पक्रेको हो ।

काठमाडौ, श्रावण ३ - बिशेष अदालतले बिहीबार अवैध सम्पति कमाएको आरोप लागेका गुण्डा नाइके गणेश लामासँग तीन करोड धरौटी माग गरेको छ । करौडौ सम्पति अवैध रुपमा कमाएको आरोपमा उनी पक्राउ परेका थिए । उनलाई धरोटीमा रिहा गर्नको लागि अदालतले तीन करोड मागेको हो । तीन करोड बुझाउन नसकेपछि उनलाई डिल्लीबजार कारागारमा राखिएको छ ।
सम्पति शुद्धिकरण अनुसन्धान बिभागले लामासहित गुण्डा नाइकेविरुद्ध अवैध सम्पति कमाएको आरोपमा मुद्दा दायर गरेको छ ।
फोरम लोकतान्त्रिकका केन्द्रीय सदस्य लामा पार्टी अध्यक्ष विजय गच्छदारका निकट छन् । उनले अवैध रुपमा २७ करोड भन्दा बढी रकम ।कमाएको आरोप बिभागको छ ।

चितवन, २९ असार। चितवनस्थित चितवन मेडिकल कलेजका प्रबन्ध सञ्चालकलाई अपहरण गरि ज्यान मार्ने धम्की दिदै एक समूहले ५० लाख रुपैयाँ माग गरेको छ। भिओआइपी नम्बरबाट फोन गरी तराई टाइगर्सका नाममा उनीसँग ५० लाख माग गरेको छ। केन्द्रिय अनुसन्धान ब्युरो (सिआइबी)ले घटनाको अनुसन्धान थालेको छ। तर, भिओआइपी नम्बरबाट फोन आएकोले धम्की दिने गिरोहको पहिचान हुन नसकेको बताएको छ। घटनामा संलग्न भएको आशंकामा प्रहरीले एक व्यक्तिलाई पक्राउ गरेको छ ;  नयाँ पत्रिका

काठमाण्डौं, असार २९ । बिहानको साढे ११ बजेको छ । राजधानीको शंखपार्कमा एक युवती हुनेवाला श्रीमान्को पर्खाइमा छिन् । समय मिलाएर भेट्ने वाचाअनुसार पार्कमा पर्खिरहेकी ती युवतीमाथि एकाएक पत्याउनै नसक्ने प्रकृतिको अपराध हुन्छ ।

गत बुधबार मात्र विवाहका लागि इन्गेजमेन्ट गरेका मेडिकल डाक्टरको जोडी आइतबारका लागि तय भएको विवाह समारोहको सामान खरिदमा सल्लाह गर्न शंखपार्क भेट्ने योजनामा थिए । योजनाअनुसार चितवनस्थित एक अस्पतालमा कार्यरत डाक्टर रमिता (नाम परिवर्तन) हुनेवाला श्रीमान् डा. रामप्रसाद (नाम परिवर्तन) भन्दा केही चाँडो आइपुगिन् ।

दुलहा ढिलो आउने भएपछि पार्कको एउटा मेचमा उनी एकसुरले बसिरहेकी छन्, बिहेपछिको सपना सजाएर । सुन्दर पहिरनमा सजिएकी उनले केहीबेरको त्यो पर्खाइमा जीवनभरको सपना देखिरहेकी थिइन् । तर, अनयासै उनीमाथि वज्रपात भयो । विडम्बना ! दुलहा आइनपुग्दै उनले सामाजिक र मानसिक रूपमा गम्भीर अपराधको सामना गर्नुप¥यो, त्यो पनि क्षणभरमै । विवाहको अन्तिम तयारीमा रहेकी रमीता सोझो शब्दमा व्याख्या गर्न नसक्ने अपराधको सिकार बनिन् ।

पार्कभित्रै रहेका सप्तरी निवासी ३३ वर्षीय राजकुमार सिंहको कुण्ठित यौनकुण्ठाको सिकार बनिन् उनी । हुनेवाला श्रीमान्को पर्खाइमा एकोहोरो सोच बनाएर बसिरहेका बेला सिंहले आफ्नो यौनकुण्ठा मात्र मेटाएनन्, उत्तेजित बन्दै स्खलित भएपछि युवतीको शरीरभरि आफ्नो वीर्य नै छर्किदिए । भावी श्रीमान् आइनपुग्दै सिंहको यौन उत्तेजनाको सिकार भएकी रमिताको छातीलगायत शरीरको अग्रभाग सिंहको वीर्यबाट पूर्ण रूपमा भिज्न पुग्यो ।

रमिताका दिन बलिया थिए या युवामा अपराध भावना बढ्न नपाएर हो, उनी मध्य दिउँसो बलात्कारबाट भने जोगिन सफल भइन् । पछाडि लुकेर बसेका सिंहले आवेगमा आएर स्वयंमा यौन चाहना मेटाएपछि आफ्नो यौन अंगबाट निस्किएको वीर्य रमिताको शरीरमा छर्के । सोच्नै नसकेको घटना भएपछि पीडित डाक्टर जोडीले नजिकै रहेको महानगरीय प्रहरी वृत्त महाराजगन्जमा खबर गरे ।

प्रहरी फसादमा 
खबरलगत्तै आएको प्रहरी टोलीले सिंहलार्ई तत्काल पक्राउ गरी कार्यालय पुर्यायो । हुनेवाला श्रीमतीलाई दुव्र्यवहार गरेको भन्दै रामप्रसादले तत्काल उजुरी लेखाए । तर, उजुरीपछि भने प्रहरीलाई निकै फसाद पर्यो । प्रहरीको नजरमा अहिलेसम्म फेला नपरेको प्रकृतिको अपराधका दोषी भेटिएपछि के मुद्दा लगाउने भन्ने अन्योलमा प्रहरीले निकै समय गुजार्नुप¥यो ।

‘अपराधीलाई पक्राउ गरेर त ल्याइयो, तर नौलो प्रकृतिको र पहिलो पटक यस्तो केस आएकाले के मुद्दा लगाउने भन्ने अन्योल भयो,’ वृत्तका प्रमुख प्रहरी नायब उपरीक्षक (डीएसपी) जीवनकुमार श्रेष्ठले भने । मुद्दा लगाउन प्रहरीले कानुनका ठेली पल्टायो । आपसमा सल्लाह भयो ।

तर, के मुद्दा लगाउने भन्ने अन्योल हट्न सकेन । अन्योल बढेपछि सरकारी वकिलको रायमा सिंहलाई प्रहरीले जबर्जस्ती करणी उद्योगअन्र्तगत मुद्दा चलाउने निर्णय लियो । लगत्तै यौनकुण्ठित सिंहलाई काठमाडौं जिल्ला अदालत लगेर अनुसन्धानका लागि पाँच दिन हिरासतमा राख्ने अनुमति लियो ।

अनुमति लिन जानुअघि समेत प्रहरीलाई निकै असजिलो भएको थियो । थुनामा राख्ने अनुमति लिन जाँदा घटना विवरण कसरी सुनाउने भन्ने संकोचका कारण केही प्रहरीले त अदालतसम्म जानसमेत आनाकानी गरेका थिए । तर, अनुमति लिनैपर्ने बाध्यताका कारण अदालतमा घटना विवरण सुनाएर म्याद लिएको प्रभागका प्रहरीहरू बताउँछन् ।

यौन उत्तेजना मेट्न सप्तरी निवासी सिंहले गरेको यो हदसम्मको व्यवहारलाई घटनास्थल पुगेर नियालेका प्रहरी अधिकारीहरूले भने जीवनकै नौलो भएको प्रतिक्रिया दिएको राजधानी दैनिकमा खबरछ । अनुसन्धानमा संलग्न एक प्रहरी अधिकारी भन्छन्, ‘सिंहको हर्कत कुनै अश्लील चलचित्रको दृश्यभन्दा कम थिएन, हामीलाई पनि भन्न सक्ने आँट थिएन, सबै एकअर्काको मुख हेरेर बस्नुप¥यो ।’

यो घटनाले नेपालमा अपराधको नयाँ प्रकृति र तरिकाको रहस्योद्घाटन मात्र गरेको छैन, नेपाली समाज कता जाँदै छ भन्ने गम्भीर चिन्तासमेत थपेको अनुसन्धानमा संलग्न अधिकारीहरू बताउँछन् । यो नौलो घटना सार्वजनिक भएसँगै राजधानीका सार्वजनिक स्थलहरू नै सुरक्षित छैनन् भन्ने संकेत गरेको छ ।

यो घटनाले उपत्यकामा बढ्दो महिला हिंसा र यौनकुण्ठा कुन रूपमा विकसित हुँदै छ भन्ने सन्देश पनि दिएको छ ।अनलाइन खबर मा पनि यो खबर प्रकाशित भए पछी हामीले साभार गरिएको हो  ।